Edizio ekintzak

Fitxategi-ekintzak ez bezala, edizio-ekintzek hautatutako fitxategien edukia alda dezakete. Are gehiago, fitxategien zerrendaren zuhaitzaren diseinua gaituta dagoenean (Ikusi Fitxategiak eta estatistikak), ekintzek arrasto, segmentu eta interesgunetan ere aplikatu daitezke. Hori dela eta, ekintza hauek alda dezaketen elementuei fitxategi-elementuak izendatzen ditugu. Ohar zaitez, desegin eta berregin ekintzak ez, beste guztiak fitxategi-elementu hauen alboko menuaren bidez (eskuin-klik) ere erabili daitezke.

Desegin eta berregin

Botoi hauei esker eragindako azken ekintzak desegin eta berregin daitezke. Hau interfazearen ekintza guztiei aplikatzen zaie, baina ez ikusteko aukerei, aplikazioaren ezarpenei edo maparen nabigazioari.

Informazioa…

Ireki hautatutako fitxategiaren elementuaren elkarrizketa-koadroa, non bere izena eta deskribapena ikusi eta editatu ahal izango dituzu.

Itxura…

Ireki Itxuraren elkarrizketa-koadroa, eta bertan mapan hautatutako elementuaren kolorea, opakotasuna eta zabalera alda ditzakezu.

Ezkutatu/erakutsi

Aldatu mapan hautatutako elementuen ikusgarritasuna.

Arrasto berria

Sortu arrasto berri bat hautatutako fitxategian.

Segmentu berria

Sortu segmentu berri bat hautatutako arrastoan.

Hautatu denak

Gehitu hautapenera uneko hierarkia mailako fitxategi elementu guztiak.

Erdiratu

Erdiratu mapan hautatutako fitxategi-elementuak.

Kopiatu

Kopiatu arbelean hautatutako fitxategi-elementuak.

Ebaki

Ebaki arbelera hautatutako fitxategi-elementuak.

Itsatsi

Itsatsi arbeleko fitxategi-elementuak uneko hierarkia mailan, berarekin bateragarriak badira.

Ezabatu

Ezabatu hautatutako fitxategi-elementuak.